මාතලේ සමාජ සේවා සංගමය හා සිංහල නගරය සමාජ සත්කාරක ඒකකය මාතලේ ප්‍රාදේශිය ලේකම් කොට්ඨාශයේ ආබාධිත පුද්ගලයින්ගේ ජීවන තත්ත්වය නඟා සිටුවිමේ අරමුණින් ස්වංය රැකියා පුහුණු වැඩසටහනක් ආරම්භ කොට ඇති බව සිංහල නගරය ග්‍රාම නිලධාරි ලාල් කරුණාතිලක මහතා අප දිස්ත්‍රික් ප්‍රවෘත්ති ඒකකයට පැවසීය.
ඒ අනුව පිහිට වූ ස්වශක්ති සංවිධානයට සම්බන්ධ ආබාධිත පුද්ගලයින් 40 දෙනෙකු පමණ මේ වන විට විවිධ ස්වයං රැකියා සඳහා පුහුණු කිරිමේ කටයුතු ආරම්භ කොට තිබේ.
ඉවත ලන පොල් කටු, රෙදි කැබැලි ආදියෙන් විසිතුරු නිර්මාණ සකස් කිරිම මේ යටතේ සිදු කෙරේ.
මෙම වැඩසටහනේ ආරම්භක අවස්ථාව පසුගියදා පැවැත්වුණු අතර එම අවස්ථාවට මාතලේ අතිරේක දිස්ත්‍රික් ලේකම් තේජානී තිලකරත්න, අතිරේක දිස්ත්‍රික් ලේකම් (ඉඩම්) කුලතුංග හෙට්ටි ආරච්චි යන මහත්ම මහත්මීහු සහභාගි විය.
MAP/dmu_matale
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
