ඊයේ විවෘත කළ මෙම සත්වෝද්‍යානය මේ මස 30දා දක්වා නොමිලේ නැරඹීමට ද ජාතික සත්වෝද්‍යාන දෙපාර්තමේන්තුව අවස්ථාව සලසා ඇත.
පින්නවල - අලි අනාථාගාරයට යාබදව අක්කර 44ක භූමි භාගයක ඉදිකර ඇති මෙම සත්වෝද්‍යානය මෙරට ට ආවේණික සතුන් සඳහා වෙන් කොට ඇත. ඒ අනුව දිවියන්, වළසුන්, මුවන්, කිඹුලන් වැනි සතුන් සඳහා මේ වන වට වෙනම කළාප පිහිටුවා ඇත.
මෙම එළිමහන් සත්වෝද්‍යානය සඳහා රුපියල් මිලියන 862ක් වැය කර ඇති අතර, ඉන් මිලියන 488ක් මහා භාණ්ඩාගාරය මගින් ලබා දී ඇත.
මැයි මස 01දා සිට පින්නවල එළිමන් සත්වෝද්‍යානය නැරඹීම සඳහා දේශීය සංචාරකයකුගෙන් රුපියල් සියයක් ද, විදේශීය සංචාරකයන්ගෙන් රුපියල් දහසක් ද අය කෙරේ.
