විපක්ෂ නායක නිමල් සිරිපාල ද සිල්වා මහතා ස්ථාවර නියෝග 23(2) යටතේ අද (20) පාර්ලිමේන්තුවේදී සිදු කළ ප්‍රකාශයට පිළිතුරු දෙමින් අග්‍රාමාත්‍යවරයා මේ බව පැවසී ය.
පසුගිය රජය අයවැය මගින් රජයේ සේවකයන්ගේ වටුප් වැඩි කිරීම, දීමනා ලබාදීම වැනි රාජ්‍ය සේවකයන්ට හා විශාමිකයන්ට පොරොන්දු වූ සහන එලෙසම ලබාදීමට නව රජය කටයුතු කරන්නේ ද යන්න පිළිබඳව හා දින සියය වැඩසටහන මගින් රාජ්‍ය සේවකයින්ට ලබෙන ප්‍රතිලාභයන්හී ස්වරූපය කවරේ ද යන්න පැහදිළි කරන ලෙස විපක්ෂනායකවරයා සිය ප්‍රකාශයෙන් සඳහන් කළේ ය.
“පසුගිය රජය රජයේ සේවකයන්ට සතපහක් දුන්නේ නෑ. වැටුප් මණ්ඩල අපි සියල්ල කැඳවා තිබෙනවා. පෞද්ගලික අංශයටත් අපි සහන ලබාදෙනවා. අද රාජ්‍ය සේවකයන්ට අවශ්‍ය ආහාර වර්ග 13ක මිල අඩු වී තිබෙනවා. තෙල් මිල අඩු වී තිබෙනවා. වී කිලෝවක් සඳහා රුපියල් 50ක මිලක් දී තිබෙනවා.
අද සුදු වෑන් ගැන සිතන්නේ නැතිව රජයේ සේවකයන්ට කටයුතු කළ හැකියි. ස්වාධීන රාජ්‍ය සේවා කොමිසම, අධිකරණ කොමිෂම, ස්වාධීන පොලිස් කොමිසම නිසා ප්‍රතිලාභ ලැබෙන්නේ මේ රටේ රජයේ සේවකයන්ටයි. ජනතාවටත් රජයේ සේවකයන්ටත් යහපාලනයක් ලැබුනා“ යැයි ද අග්‍රාමාත්‍යවරයා පැවසී ය.
