ජනාධිපති මෛත්‍රීපාල සිරිසේන මැතිතුමා අද (19) පෙරවරුවේ බත්තරමුල්ල මධ්‍යම පරිසර අධිකාරිය වෙත ගියේය. මහවැලි සංවර්ධන හා පරිසර අමාත්‍යාංශය ජනාධිපති මෛත්‍රීපාල සිරිසේන මහතා යටතේ පවතියි.
එහිදී ජනාධිපතිතුමා එම අවස්ථාවට පැමිණීම සනිටුහන් කරමින් පැලයක් රෝපණය කළේය.
අනතුරුව ජනාධිපතිතුමා මධ්‍යම පරිසර අධිකාරියේ ජ්‍යෙෂ්ඨ නිලධාරින් සමඟ ඉදිරි කටයුතු සම්බන්ධයෙන් සාකච්ඡාවක් පැවැත්විය.
මහවැලි සංවර්ධන හා පරිසර නියෝජ්‍ය අමාත්‍ය වසන්ත අලූවිහාරේ, අමාත්‍යාංශයේ ලේකම් නිහාල් ජයවීර, මධ්‍යම පරිසර අධිකාරියේ සභාපති මහාචාර්ය ලාල් මර්වින් ධර්මසිරි යන මහත්වරුන් ඇතුළු ජ්‍යෙෂ්ඨ නිලධාරිහු පිරිසක් මෙම හමුවට එක්ව සිටියහ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
