පසුගිය ජනාධිපතිවරණ සමයේදී වෙඩි පහරකට ලක්ව මියගිය නැමිනිකන්ද, වැල්ලදුර, කහවත්ත ප්‍ර දේශයේ පදිංචි ව සිටි ශාන්ත දොඩම්ගොඩ මහතාගේ පවුලේ සාමාජිකයන් අද (05) පෙරවරුවේ ජනාධිපති කාර්යාලයේදී හමු වූ ජනාධිපති මෛත්‍රීපාල සිරිසේන මැතිතුමා ඔවුන්ගේ සුවදුක් විමසීය.
ජනාධිපති මෛත්‍රීපාල සිරිසේන මැතිතුමාට සහය දැක්වීමට කහවත්ත ප්‍රදේශයේ පැවති ජනහමුවක වේදිකාව සරසමින් සිටියදී ශාන්ත දොඩම්ගොඩ මහතා අවාසනාවන්ත ලෙස වෙඩි පහරකට ලක්ව මිය ගියේය.
ඒ මහතාගේ බිරිඳ සහ දරුවන් හමු වූ ජනාධිපතිතුමා එම සිදුවීම පිළිබඳ බලවත් කණගාටුව පළ කරමින් ඔවුන්ගේ තොරතුරු විමසමින් සුහද කතාබහක නිරත විය.
මේ අවස්ථාවට ඇමතිනී තලතා අතුකෝරළ මහත්මිය ද එක්ව සිටියාය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
