පාර්ලිමේන්තුවට අද (05) ඉදිරිපත් කරන ලද 2014 අංක 41 දරන විසර්ජන පනත සංශෝධනය සඳහා වූ විසර්ජන (සංශෝධන) පනත් කෙටුම්පත හෝ එහි වගන්තියක් ආණ්ඩුක්‍රම ව්‍යවස්ථාවේ කිසිදු ව්‍යවස්ථාවකට අනනුකූල නොවන බවට ශ්‍රේෂ්ඨාධිකරණය තීරණය කර ඇතැයි නියෝජ්‍ය කාරක සභා සභාපති, පාර්ලිමේන්තු මන්ත්‍රී චන්ද්‍රකුමාර මුරුගේසු මහතා පාර්ලිමේන්තුවට දැනුම් දුන්නේය.
මෙම පනත් කෙටුම්පත ජනිපතිවරයා විසින් ආණ්ඩුක්‍රම ව්‍යවස්ථාවට අනුකූල දැයි විමසීම සඳහා එහි 122 වගන්තිය යටතේ ශ්‍රේෂ්ඨාධිකරණය වෙත යොමු කර තිබුණි. ඒ අනුව සලකා බලා මෙම තීරණය ශ්‍රේෂ්ඨාධිකරණය විසින් කතානායක වෙත දැනුම් දී තිබේ. එම තීන්දුව සම්පූර්ණයෙන්ම හැන්සාඩ් වාර්තාවට ඇතුළත් කරන ලෙස ද මුලසුනේ සිටි චන්ද්‍රකුමාර මුරුගේසු මහතා නියෝග කළේය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
