ශ්‍රී ලංකා ප්‍රජාතන්ත්‍රික සමාජවාදී ජනරජයේ 6 වන විධායක ජනාධිපතිවරයා ලෙස මෛත්‍රීපාල සිරිසේන මැතිතුමා විසින් අද (09) දින ප.ව. 6.31ට එම ධූරයේ දිවුරුම් දෙන ලදී. දිවුරුම් දීමේ මහෝත්සවය පැවැත්වුණේ කොළඹ නිදහස් චතුරශ්‍රයේ දීය.
එහිදී ශ්‍රේෂ්ඨාධිකරණ ජ්‍යේෂ්ඨ විනිසුරු කේ. ශ්‍රීභවන් මහතා ඉදිරියේ ඔහු මෙසේ දිවුරුම් දුන්නේය.
රනිල් වික්‍රමසිංහ මහතා නව අග්‍රාමාත්‍යවරයා ලෙස ජනාධිපති මෛත්‍රීපාල සිරිසේන මැතිතුමා ඉදිරියේ දිවුරුම් දීම ද මෙම අවස්ථාවේ සිදුකෙරුණි.
මෙම අවස්ථාවට මහා සංඝරත්නය ඇතුළු සර්වාගමික නායකයන්, දේශපාලන පක්ෂ නායකයන්, සිවිල් සංවිධායක නියෝජිතයන් ඇතුළු සම්භාවනීය අමුත්තෝ රැසක් එක්වූහ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
