නායයාමෙන් විපතට පත් බදුල්ල දිස්ත්‍රික්කයේ ජනතාවගේ සහන කටයුතු සොයාබැලීමට අද පෙරවරුවේ ගිය ජනාධිපතිතුමා බදුල්ල රිප්පොළ, මැදගම, මොරගොල්ලාවත්ත ප්‍රදේශයේ සහ රිප්පොළ කැටවලත්ත ප්‍රදේශයේ නායයාම්ලට ලක් වූ ස්ථාන වෙත ගියේය.
අනතුරුව ආපදාවට ලක් වූ ජනතාව වෙසෙන බදුල්ල වැලිකේමුල්ල මහා විද්‍යාලය වෙත ද ගොස් එම ජනතාවගේ සුවදුක් විමසීය.
නායයෑම් හේතුවෙන් විනාශයට පත් බදුල්ල දිස්ත්‍රික්කයේ ජනතාවගේ සියලු නිවාස ආපදාවට ලක් නොවන ප්‍රදේශ හඳුනාගෙන නැවත ඉදිකර දීමට පියවර ගන්නා බව ද ජනාධිපතිතුමා එහිදී පැවසීය.
එනේ ම විපතට පත් ජනතාව වෙනුවෙන් ක්‍රියාත්මක සුබසාධන කටයුතු විධිමත් අයුරින් අඛණ්ඩව ම ඉදිරියට ක්‍රියාත්මක කරන ලෙසද අදාළ අංශ වෙත උපදෙස් දුන්නේ ය.
අමාත්‍යවරුන් වන නිමල් සිරිපාල ද සිල්වා, ඩිලාන් පෙරේරා මහත්වරුන් ද මහ ඇමති ශෂීන්ද්‍ර රාජපක්ෂ, පා.ම. උදිත ලොකුබන්ඩාර යන මහත්වරු ද රාජ්‍ය නිලධාරිහු ද මීට එක් ව සිටියහ.
pmu_ Pix By : Sudath Silva
