අනුරාධපුර දිස්ත්‍රික්කයේ විපතට පත් ජනතාව රැඳී සිටින මහින්ද කණිෂ්ඨ විද්‍යාලයේ පිහිටුවා ඇති ආරක්ෂිත මධ්‍යස්ථානට පැමිණි ජනාධිපතිතුමා එහි සිටින ජනතාවගේ සුව දුක් විමසා බැලීය. ඉන් පසු ව එම ජනතාවට සහන සැලසීම පිළිබඳ ව පැවති සාකච්ඡාවකට ද එක් විය. මෙම ජනතාවට අවශ්‍ය පහසුකම් සලසා දෙන ලෙස එයට සහභාගී වූ නිලධාරින් සඳහා උපදෙස් ලබා දෙන ලදී. එසේම වගා හානි සඳහා කඩිනමින් පියවර ගන්නා ලෙස අදාළ නිලධාරීන්ට ඒ සඳහා උපදෙස් දුන් බව ද ජනාධිපති මාධ්‍ය ඒකකය පවසයි.
උතුරු මැද ආණ්ඩුකාර කරුණාරත්න දිවුල්ගනේ, අමාත්‍ය එස්.එම්. චන්ද්‍රසේන, උතුරු මැද මහ ඇමති රංජිත් සමරකෝන්, නියෝජ්‍ය අමාත්‍යවරුන් වන වීරකුමාර දිසානායක, ඩබ්ලිව්.බී. ඒකනායක මහත්වරු ද නිලධාරීහු ද එක් ව සිටියහ.
pmu_ Pix By : Sudath Silva
