ජනාධිපතිතුමා එක්සත් ජනතා නිදහස් සන්ධානය වෙනුවෙන් නාමයෝජනා භාරදීමට ජනාධිපතිතුමා සමඟ එක්සත් ජනතා නිදහස් සන්ධානයේ මහ ලේකම්, පරිසර හා පුනර්ජනනීය බලශක්ති අමාත්‍ය සුසිල් ප්‍රේමජයන්ත මහතා සහ ශ්‍රී ලංකා නිදහස් පක්ෂයේ ජ්‍යෙෂ්ඨ උප සභාපති, වාරිමාර්ග හා ජල කළමනාකරණ අමාත්‍ය නිමල් සිරිපාල ද සිල්වා මහතා පැමිණ සිටියහ.

අද පෙරවරු 9.00 සිට 11.00 දක්වා මෙවර ජනාධිපතිවරණය සඳහා නාමයෝජනා භාර ගන්නා අතර 11.30 දක්වා නාමයෝජනා සඳහා විරෝධතා භාර ගැනීමට ද නියමිතය.

ජනාධිපතිතුමා වෙනුවෙන් එක්සත් ජනතා නිදහස් සන්ධානයේ මහ ලේකම්, පරිසර හා පුනර්ජනනීය බලශක්ති අමාත්‍ය සුසිල් ප්‍රේමජයන්ත මහතා පසුගියදා ඇප මුදල් තැන්පත් කළේය.

ජනාධිපතිවරණය සඳහා ඇප මුදල් තැන්පත් කිරීම ඊයේ (07) මධ්‍යම රාත්‍රී 12න් අවසන් වූ අතර පිළිගත් දේශපාලන පක්ෂ 17ක් සහ ස්වාධීන කණ්ඩායම් 2ක් ජනාධිපතිවරණයට ඇප මුදල් තැන්පත් කර තිබේ.

ජනාධිපතිවරණය ජනවාරි 08 දින පැවැත්වෙන අතර 2014 ඡන්ද හිමි නාමලේඛනයට අනුව ඡන්දදායකයෝ 15,044,490ක් මෙවර ඡන්දය ප්‍රකාශ කිරීමට සුදුසුකම් ලබා සිටිති.

NDH