ජාත්‍යන්තර භාෂා දැනුම සහ තොරතුරු තාක්ෂණය පසෙකලා අනාගතය ජයගත නොහැකි බව ජනාධිපති මහින්ද රාජපක්ෂ මහතා පවසයි. කුමන බලවේග පැමිණිය ද අනාගතය ජය ගැනීම සඳහා අධ්‍යාපනය ලැබීම සෑම දරුවකුගේම වගකීම බව ජනාධිපතිතුමා පෙන්වා දෙයි.
රටේ සියලු ම දරුවන්ට යහපත් අනාගතයක් ගොඩනගා ගැනීමට අවශ්‍ය පරිසරයක් සකස්කර දීමට පසුගිය වසර කිහිපය තුළ රජය කැපවීමෙන් කටයුතු කළ බව ද රාජපක්ෂ මැතිතුමා පවසයි.
නාරාහේන්පිට ශාලිකා කී‍්‍රඩාංගණයේ ඊයේ (02) පෙරවරුවේ පැවැති මහපොළ උසස් අධ්‍යාපන ශිෂ්‍යත්ව ප‍්‍රදානෝත්සවයට එක්වෙමින් ජනාධිපතිතුමා මෙම අදහස් පළ කළේය.
මෙවර අය-වැය මඟින් සිසුන්ට මහපොළ උසස් අධ්‍යාපන ශිෂ්‍යත්ව 45,000ක් ලබාදීමට කටයුතු කර ඇත.
NDH/priu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
