අමාත්‍යවරයා මෙසේ පැවසුවේ පාර්ලිමේන්තු මන්ත්‍රී නිරෝෂන් පෙරේරා මහතා විසින් වාචික පිළිතුරු අපේක්ෂාවෙන් අද (13) පාර්ලිමේන්තුවේදී අසන ලද ප්‍රශ්නයක දී නැඟූ අතුරු ප්‍රශ්නයකට පිළිතුරු දෙමිනි.
මේ වන විට බස් රථ 10 බැගින් ලබා දී ඇත. පරණ බස්රථ අලුත්වැඩියා කරනවාට වඩා අලුත් බස් රථ යොදවන එක හොඳයි. මේ වන විට බස් ඩිපෝවල අවුරුදු 15ක් පමණ පරණ බස් රථ විශාල සංඛ්‍යාවක් ඇති අතර ඒවා හදා වැඩක් නැති බවත් ලංගමයට මෙන් ම මිනිස්සුන්ට ද හොඳ අලුත් බස් රථ යොදවන එක බවත් අමාත්‍යවරයා පෙන්වා දුන්නේය.
මේ පැරණි බස් රථ වෙන්දේසියේ දමා විකුණන අතර රාත්‍රී කාලයේ බස් ධාවනය ගැන කතා කිරීමේදී රෑ ගමන්වාර ලංගමය අනිවාර්යයෙන් දුවන බවත් පෞද්ගලික අංශයේ සහයත් මේ සඳහා ලැබිය යුතු බවත් අමාත්‍යවරයා පැවසීය.
NDH/HC
