තිස් අවුරුදු ත්‍රස්තවාදය නිමා කර මව්බිමට සාමය උදාවීම නිමිති කර ගෙන ඉදිකිරීමට නියමිත ස්ථූප අතුරින් ඉදිකරනු ලබන අනුරාධපුර සඳහිරු සෑයේ ගර්භ නිධානය උදෙසා වැඩම කර වූ සර්වඥ ධාතූන් වහන්සේ අද (12) පෙරවරුවේ කොටුව ජනාධිපති මන්දිරයේදී ජනාධිපති මහින්ද රාජපක්ෂ මැතිතුමා වෙත භාර දෙන ලදී.
එම අවස්ථාව සනිටුහන් කරමින් ජනාධිපතිතුමා විසින් එම සර්වඥ ධාතූන් වහන්සේ කොටුව ජනාධිපති මන්දිරයේ බුද්ධ මන්දිරයේ තැන්පත් කර පූජෝපහාර දැක්වීය.
මේ අවස්ථාවට එල්ලාවල මේධානන්ද හිමියන්, පූජ්‍ය උඩුවේ ධම්මාලෝක හිමියන් ඇතුළු මහා සංඝරත්නය වැඩම කර සිටි අතර ආරක්ෂක ලේකම් ගෝඨාභය රාජපක්ෂ මහතා ඇතුළු පිරිසක් ද එක් ව සිටියහ.
NDH/pmu_pix by Sudath Silva
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
