අමාත්‍යවරයා මේ බව පැවසුවේ අද (04) පාර්ලිමේන්තුවේදී පසුගිය 30දා කළුතර දිස්ත්‍රික් පාර්ලිමේන්තු මන්ත්‍රී අජිත් පී. පෙරේරා මහතා සභාව කල් තැබූ අවස්ථාවේ ඉදිරිපත් කළ යෝජනාවකට පිළිතුරු දෙමිනි.
මෙවැනි සිද්ධීන් සිදු වී ඇති බව පළ වී ඇති වාර්තා හා තොරතුරු පිළිබඳ සොයා බැලීම සඳහා කොමිසමක් පත් කිරීමට තමා පියවර ගන්නා බව ද ඔහු පැවසීය.
යම් ක්‍රිකට් ක්‍රීඩිකාවක් මෙවැනි ගැටලුවකට ලක් වූවා නම් ඒ පිළිබඳ ව කණ්ඩායමේ කළමනාකරුට, පුහුණුකරුට හෝ ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරියාට පැමිණිලි කළ හැකි ව තිබූ බව ද අමාත්‍යවරයා කීය.
විශ්‍රාමික විනිසුරුවරයෙකුගේ ප්‍රධානත්වයෙන් මේ පිළිබඳ ව කරුණු සොයා බැලීම සඳහා කොමිසමක් පත් කරන බවත් එම කොමිසමේ වාර්තාව හැකි ඉක්මනින් පාර්ලිමේන්තුවට ඉදිරිපත් කරන බවත් ඔහු වැඩිදුරටත් සඳහන් කළේය.
NDH/HC
