අමාත්‍යවරයා අද (04) පාර්ලිමේන්තුවේදී අමාත්‍යාංශ නිවේදනයක් නිකුත් කරමින් මේ බව සඳහන් කළේය.
අදාළ පාපැදි තොගය ලංකාවට ලැබෙන අවස්ථාවේ තමන් මෙරට නොසිටි බවත් මේ භාණ්ඩ නිෂ්කාෂණය කර ගැනීමට අදාළ ව පළ වූ ඇතැම් වාර්තා අසත්‍ය ඒවා බවත් මෙරටට භාණ්ඩ ආනයනය කිරීමේදී අනුගමනය කරන පිළිවෙත්, සම්මත ක්‍රමවේද නිවැරදි ආකාරයට අනුගමනය කර ඇති බවත් අමාත්‍යවරයා පෙන්වා දුන්නේය.
මාතර දිස්ත්‍රික්කයේ ක්‍රියාකාරී සුබසාධන සංවිධානයක් වූ ලක්ෂ්මන් යාපා අබේවර්ධන පදනමට මේ පාපැදි තොගය ලැබී ඇති බව කී ඔහු මෙම භාණ්ඩ මුදා ගැනීම පිළිබඳ ව අසත්‍ය පුවත් පළ කර ජනතාව තුළ තමන් කෙරෙහි වැරදි චිත්‍රයක් ඇති කිරීමට උත්සාහ දරන බවත් අමාත්‍යවරයා අවධාරණය කළේය.
NDH
