එම නියෝග ඉදිරිපත්කරමින් අමාත්‍යවරයා පැවසුවේ; “අත්‍යවශ්‍ය භාණ්ඩ යම් ප්‍රමාණයක් මේ රටේ නිපදවන අතර යම් ප්‍රමාණයක් ආනයනය කිරීමටත් සිදුවෙනවා. පාරිභෝජනයේ ඉල්ලුම හා සැපයුම මත භාණ්ඩවල මිල නියම කෙරෙනවා. කාලගුණය වැනි හේතු නිසා නිෂ්පාදන කටයුතුවලට බාධා එල්ල වෙනවා. නියඟය ඊට හොඳ ම උදාහරණයයි. භාණ්ඩවල මිල ඉහළ යෑමට මෙවැනි විවිධ හේතූන් බලපානවා. පිටරටින් ගෙන්වන භාණ්ඩවලට සීමා පැනවීම මඟින් දේශීය නිෂ්පාදකයා රැකගැනීමට පියවර ගෙන තිබෙනවා. බදු පැනවීම හා ලිහිල් කිරීම තුළින් සාධාරණ මිලක් තබා ගැනීමට රජය කටයුතු කරනවා.
අද ලෝක වෙළෙද පොලේ තෙල් මිල සීග්‍රයෙන් පහළ බසිනවා. ඉදිරි වසර තුන තුළ තෙල් මිල ඩොලර් 80ක මිලට ස්ථාවර වේවි කියා විශ්වාස කරනවා. මේ අනුව අපේ රජය ඉතා වාසනාවන්තයි. මිල පිළිබඳ ව ජාත්‍යන්තර තත්ත්වය බලපෑම ගැන සැලකිලිමත් වීමට සිදුවෙන බවත් කෘෂි නිෂ්පාදනය අලුත් විය යුතු බව ද අමාත්‍යවරයා අවධාරණය කළේය.
විවාදය අවසානයේ නියමයන් සම්මත විය.
HC/NDH
