රටවල් කිහිපයක මෙන් ම කැනඩාවේ ද ත‍්‍රස්ත ක‍්‍රියාකාරකම් වැඩිවීම සම්බන්ධයෙන් තම කනස්සල්ල පළ කරන බවත් ත‍්‍රස්තවාදී උවදුර තුරන් කිරීමට සම හවුල්කරුවන් වශයෙන් අප සැවො ම එක්විය යුතු බවත් ජනාධිපති මහින්ද රාජපක්ෂ මැතිතුමා පවසයි.
ජනාධිපතිතුමා මේ බව සඳහන් කර ඇත්තේ ඊයේ (22) කැනඩා පාර්ලිමේන්තු සංකීර්ණයේ ඇති වූ වෙඩි හුවමාරු සම්බන්ධයෙන් සිය අදහස ට්විටර් ගිණුම මත පණිවුඩයක් තබමිනි.
කැනඩා ප‍්‍රහාරය සම්බන්ධයෙන් විදෙස් මාධ්‍ය වාර්තා කරන්නේ කැනඩා අගනුවර රාජකාරියේ සිටි සෙබළෙකු වෙත මෙම ප‍්‍රහාරය පළමු ව එල්ල වූ බවත් පසු ව තුවක්කුකරුවෙකු පාර්ලිමේන්තුව තුළ වෙඩි තැබීමක් සිදු කළ බවත්ය. කෙසේ වෙතත් කැනඩා රජය ත‍්‍රස්ත අවදානම සම්බන්ධයෙන් දැනුම් දී පැය කිහිපයකට පසු මෙම ප‍්‍රහාරය සිදුවීම විශේෂත්වයකි.
HC/priu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
