එල්.ටී.ටී.ඊ ත‍්‍රස්තවාදීන් පිටරට සිට ඊට සැලසුම් සකස් කරද්දී අපේ ම ඇතැමුන් පටු දේශපාලන අරමුණු උදෙසා ඔවුන්ට සහය දක්වමින් සිටින බව ද ජනාධිපතිතුමා කියා සිටියේ ය.
නැවතත් රට ත‍්‍රස්තවාදයට පාවාදීමට ගෙන යන මෙම වැඩපිළිවෙළ පිළිබඳ ව සියලු දෙනා අවබෝධයෙන් කටයුතු කළ යුතු බව ද ජනාධිපතිතුමා සඳහන් කළේය.
ජනාධිපතිතුමා මේ බව සඳහන් කළේ හෙද නිලධාරීන් හා සෞඛ්‍ය කාර්යමණ්ඩල සමඟ පසුගියදා අරලියගහ මන්දිරයේ පැවති හමුවකදී ය.
සෞඛ්‍ය කාර්යමණ්ඩලවල තත්ත්වය උසස් කිරීමට අවශ්‍ය සෑම පහසුකමක් ම පසුගිය කාලය තුළ රජය ලබා දුන් බව ද මෙහිදී සඳහන් කළ ජනාධිපතිතුමා සෞඛ්‍ය සේවයට කළ හැකි ලොකු ම සේවය ඉටුකළ යුගය මෙම යුගය බව ද පෙන්වා දුන්නේය.
නිල ඇඳුම් දීමනාව, අනතුරු දීමනාව, අතිකාල දීමනා මෙන් ම හෙද කවුන්සලය පිහිටුවීම ඇතුළු කි‍්‍රයාමාර්ග රැසක් ඊට ඇතුළත් බව ද ජනාධිපතිතුමා පැවසීය.
වත්මන් රජය යටතේ වෘත්තීය ඉල්ලීම් දිනා ගැනීමට අරගල කිරීමට සිදු නොවූ බව ද මෙහිදී පෙන්වා දුන් ජනාධිපතිතුමා පසුගිය රජයනුත් වත්මන් රජයත් අතර ඇති වෙනස එය බවද කියා සිටියේය.
විශිෂ්ට හෙද සේවාවක් - ගුණාත්මක මෙහෙවරක් 2006 - 2015 මැයෙන් රාජ්‍ය සේවා එක්සත් හෙද සංගමය මඟින් මෙය සංවිධානය කර තිබුණි.
NDH/priu
