අමාත්‍යවරයා මේ බව පැවසුවේ අද (10) පාර්ලිමේන්තුවේදී සභාව කල් තබන අවස්ථාවේ  යෝජනාව පිළිබඳ විවාදයට එක්වෙමිනි.

අතීතයේදී අපි සියලු දේ සියලු අවශ්‍යතා ගෙවත්තෙන් ඉටු කර ගත්තා. නමුත් විවෘත ආර්ථිකයත් සමඟ අපේ ජනතාව සියලු දේ පිටරටින් ගෙන ඒමට පුරුදු වුණා. දිවි නැඟුම දෙපාර්තමේන්තුව යටතේ මේ ජනතාවගේ, පවුල් ඒකකවල ගෙවතු වගාව පුළුල් කර තිබෙනවා. සෑම ගෘහ ඒකකයක් ආශ්‍රිත ව ම තම ගෙවත්තේ වගා කටයුතු සඳහා පෙළඹවීමක් මේ දෙපාර්තමේන්තුව මඟින්  සිදු කරනවා. දිවි නැඟුම දෙපාර්තමේන්තුවක් බවට පත් කිරීමත් සමඟ එහි සේවකයන් විශ්‍රාම වැටුප් ප්‍රතිලාභීන් බවට පත් ව තිබෙනවා යැයි ද ඔහු කීය.

සමෘද්ධි බැංකුව ස්ථිර බැංකුවක් බවට පත් ව තිබෙනවා. අද වන විට සමෘද්ධි ප්‍රතිලාභින්ට රුපියල් 5,000ක මුදලක් ණය ලෙස ලබා ගත හැකියි. ඒ වගේ ම සමෘද්ධි ප්‍රතිලාභින්ට රුපියල් 50,000ක ණයක් අඩු පොලී යටතේ ලබා ගත හැකියි. සමෘද්ධි ප්‍රතිලාභීන් 14 ලක්ෂයකට අධික පිරිසක් සිටිනවා. මේ ප්‍රතිලාභින්ගේ අරමුදල්වලින් නිවාස 1,800ක් අපි හදා තිබෙනවා. සමෘද්ධි වැඩසටහන යටතේ සෑම අංශයක් ම ආවරණය වන පරිදි ණය ලබා දෙනවා. ජන සවිය දෙපාර්තමේන්තුවක් නොවෙයි. ඒක ඒ ඒ අවස්ථාවේ හැටියට ඡන්දය ගන්න කළ ව්‍යාපෘතියක්. නමුත් දිවි නැඟුම එහෙම එකක් නොවෙයි. දෙපාර්තමේන්තුවක් ලෙස පිහිටුවා, නිසි සැලැස්මක් මත දිවි නැඟුම කටයුතු කරනවා යැයි ද අමාත්‍යවරයා සඳහන් කළේය.

NDH/HC