කුරුණෑගල දිස්ත්‍රික්කය තුළ ඉදිවෙමින් පවතින දැදුරු ඔය ජලාශ ව්‍යාපෘතියට සම්බන්ධ කර කුඩා ජලවිදුලි බලාගාරයක් ඉදිකිරීමට යෝජිත බවත් ඒ තුළින් මෙගා වොට් 2ක විදුලි ධාරිතාවක් නිෂ්පාදනය කිරීමට අපේක්ෂිත බවත් විදුලිබල හා බලශක්ති අමාත්‍ය පවිත්‍රා වන්නිආරච්චි මහත්මිය පැවසුවාය.
අමාත්‍යතුමිය මෙසේ පැවසුවේ අද (10) පාර්ලිමේන්තුවේදී පාර්ලිමේන්තු මන්ත්‍රී නලින් බණ්ඩාර ජයමහ මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
මේ ව්‍යාපෘතියේ යෝජනාව අනුව වාරිමාර්ග දෙපාර්තමේන්තුව ඉදිරිපත් කර ඇති දළ ඇස්තමේන්තු අනුව වැය වන මුළු මුදල රුපියල් මිලියන 486ක් බවත් ඇය සඳහන් කළාය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
