2020 සහ 2021 වර්ෂ වලට අදාළ හෙද බඳවා ගැනීම් සිදු කිරීම සඳහා අදාළ ගැසට් පත්‍රය ඉදිරි මාස තුන ඇතුළත නිකුත් කරන බව සෞඛ්‍ය හා කර්මාන්ත ඇමැති වෛද්‍ය රමේෂ් පතිරණ මහතා අද(23) පාර්ලිමේන්තුවේදී පැවසීය.
හෙද විදුහල්වලට ළමයින් ඇතුළත් කර ගැනීම ප්‍රමාද වී ඇති බවට සමඟි ජන බලවේගයේ මාතලේ දිස්ත්‍රික් මන්ත්‍රිනී රෝහිණී කවිරත්න මහත්මිය වාචික පිළිතුරු අපේක්ෂාවෙන් ඇසූ ප්‍රශ්නයට පිළිතුරු දෙමින් ඇමැතිවරයා මේ බව කියා සිටියේය.
වසර 2019, 2020 ට අදාළ හෙද සිසුන් බඳවා ගැනීම් මේ වසර තුළ සිදු කරන බවත් එහි කටයුතු සිදු වෙමින් පවතින බවත් ඇමැතිවරයා වැඩිදුරටත් පැවසීය.
එම වර්ෂවලට අදාළ ලැයිස්තුව දැනටමත් ඉදිරිපත් කර ඇති බවත් එහි බඳවා ගැනීම් ද ඉදිරි මාස තුන තුළදී සිදු කරන බවත් ඇමැතිවරයා ප්‍රකාශ කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
