මෙම සාකච්ඡාව නිව් යෝක් නගරයේ එක්සත් ජාතීන්ගේ මුලස්ථානයේ දී පැවැත්වෙන එකසත් ජාතීන්ගේ මහා මණ්ඩලයේ 69 වන සැසියට පරිබාහිර ව සිදුවිය.
මෙම නායක දෙපළ හමුවුයේ මූලික වශයෙන් ම 2015 දී මොල්ටාවේ පැවැත්වීමට නියමිත පොදුරාජ්‍ය මණ්ඩලීය නායක සමුළුව පිළිබඳ ව සාකච්ඡා කිරීමට වන අතර එම සමුළුවේ දී, දැනට ශ්‍රී ලංකාව දරන එහි සභාපති ධුරය මෝල්ටාව භාර ගනු ඇත.
පසුගිය වසරේ, සාර්ථක පොදුරාජ්‍ය මණ්ඩලීය නායක සමුළුවක සත්කාරක රට වූ ශ්‍රී ලංකාව, මීළඟ සමුළුව පැවැත්වීම සඳහා සුදානම් වන නිලධාරීන් සමග තම අත්දැකීම් බෙදාගැනීමෙන් මෝල්ටාවට සහය දැක්වීමට බලාපොරොත්තුවෙන් සිටින බව ජනාධිපති රාජපක්ෂ මැතිතුමා පැවසුවේය.
“අප ඔබ සමග සමීප ව කටයුතු කිරීමට බලාපොරොත්තු වෙනවා”, අගමැති මස්කට් මැතිතුමා ජනාධිපති රාජපක්ෂ මැතිතුමාට පැවසුවේය.
දෙරටේ නායකයෝ ධුර හුවමාරුව යුහුසුළු ව සිදුකිරීම සහතික කිරීම සඳහා සමීප ව සහයෝගයෙන් කටයුතු කිරීමට එකඟ වූ අතර මීළඟ සමුළුවේදී සාමාජික රාජ්‍යයන් අතර සහයෝගීතාව සහ තීරණවලට එළඹීම වැඩි දියුණු කිරීමට ද එකඟවූහ.
HC/IMU_Pix by: Sudath Silva
