ශ්‍රී ලංකා සංචාරක සංවර්ධන අධිකාරිය 2014 මැයි දක්වා ඇස්තමේන්තුගත අතිරික්ත ආදායම රුපියල් මිලියන 169.12ක් බවත් 2012දී රුපියල් මිලියන 183.04ක හා 2013 වසරේ රුපියල් මිලියන 276.06ක අතිරික්ත ආදායමක් ලබා ඇතැයි අද (26) පාර්ලිමේන්තුවේ සභාගත කරන ලද පිළිතුරක සඳහන් වේ.
පාර්ලිමේන්තු මන්ත්‍රී රවී කරුණානායක මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු ලෙස මේ බව සඳහන් වේ.
2015 හා 2016 වසරවල ඇස්තමේන්තුගත අතිරික්ත ආදායම පිළිවෙළින් රුපියල් මිලියන 355.07ක් හා 420.04කි. අද වන විට ශ්‍රී ලංකා සංචාරක අධිකාරියේ ප්‍රාග්ධන හා සංචිත ප්‍රමාණයෙහි එකතුව 2013 වසරේ විගණන වාර්තාවන්ට අනුව රුපියල් මිලියන 3,039.84කි. මේ ආයතනයේ මේ වන විට සේවකයන් 160 දෙනෙකු සේවයේ යෙදී සිටින අතර සේවක අතිරික්තයක් හෝ හිඟයක් ද නොමැති බව එම පිළිතුරෙහි සඳහන් වේ.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
