අර්ථසාධක අරමුදල පිළිබඳ පනත මුලින් ම ඉදිරිපත් කළේ ටී.බී. ඉලංගරත්න මහතා බවත් බණ්ඩාරනායක රජය යටතේ 1958 දී මේ පනත ඉදිරිපත් කළ අතර මෙය වැඩකරන කම්කරු ජනතාව ලැබූ ප්‍රගතිශීලි ජයග්‍රහණයක් බවත් ජ්‍යේෂ්ඨ අමාත්‍ය ආතාවුද සෙනෙවිරත්න මහතා පවසයි.
අමාත්‍යවරයා මේ බව පැවසුවේ අද (26) පාර්ලිමේන්තුවේ දී සභාව කල්තබන අවස්ථාවේ යෝජනාව පිළිබඳ විවාදයට එක්වෙමිනි.
සේවක අර්ථසාධක අරමුදලට සේවකයන්ගෙන් අය කර ගන්නේ 8%ක් 12%ක් වැනි ප්‍රමාණයක්. නමුත් සිංගප්පූරුවේ සේවකයන්ගේ වැටුපෙන් 28%ක් සේවක අර්ථසාධක අරමුදලට බැර වෙනවා. සිංගප්පූරුව සේවක අර්ථසාධක අරමුදල ආයෝජනය කරනවා. ඒ මුදල්වලින් තමයි අහස උසට මාලිගා ඉදිකරන්නේ. සේවක අර්ථසාධක අරමුදලේ මුදල් ආයෝජනය කිරීමේ වරදක් නැති බව අමාත්‍යවරයා පෙන්වා දුන්නේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
