මේ අවස්ථාවට ජනාධිපති රාජපක්ෂ මැතිතුමා සමග ලෝක නායකයින් රැසක් වේදිකාව මත එක් වූ අතර, ටැන්සානියානු ජනාධිපති ජකායා කික්වෙතේ (Jakaya Kikwete), ගැබොන් ජනාධිපති අලි බොන්ගෝ ඔන්දිම්බා (Ali Bongo Ondimba) සහ වියට්නාමයේ නියෝජ්‍ය අගමැති ෆාම් බින් මින් (Pham Binh Minh) ද, ඒ අතර විය. මෙම මුල් පිරීමෙහි මූලික අරමුණ වූයේ අප්‍රිකානු අලින් මුහුණ දී ඇති ඛේදවාචකය වෙත ජාත්‍යන්තර අවධානය ලක්කිරීමයි.
ජනාධිපති ඔන්දිම්බා මැතිතුමා මෙම අවස්ථාවේ දී පැවසුවේ මෙවැනි සාමූහික ක්‍රියාමාර්ග මගින් මෙම තේජවන්ත සතුන්ගේ අනාගතය තීරණය වන බැවින් අප්‍රිකානු අලින් බේරා ගැනීම සඳහා ප්‍රත්‍යක්ෂ ක්‍රියා මාර්ගයක් ගැනීමට ලෝකයේ සියලු දෙනා එක්විය යුතු බවයි.
මේ වසර මුල දී ක්ලින්ටන් ලේකම්තුමිය විසින් කරන ලද ආරාධනාවකට අනුව ජනාධිපති රාජපක්ෂ මැතිතුමා මෙම අවස්ථාවට සහභාගී විය.
මෙම සතියේදී ආරම්භවන එක්සත් ජාතීන්ගේ මහා මණ්ඩලයේ 69 වන සැසියට සහභාගීවීම සඳහා ජනාධිපතිතුමා පසුගිය 22 වනදා පස්වරුවේ නිව් යෝර්ක් නුවරට ළඟාවිය.
නිව් යෝර්ක් වේලාවෙන් ඊයේ පෙරවරුවේ ජනාධිපති රාජපක්ෂ මැතිතුමා 2014 එක්සත් ජාතීන්ගේ දේශගුණික සමුළුව ඇමතූ අතර නේපාල සහ කොලොම්බියා නායකයින් දෙපළ සමග සහ පොදුරාජ්‍ය මණ්ඩලීය මහ ලේකම් කමලේෂ් ෂර්මා මැතිතුමා සමග ද, ද්විපාර්ශ්වික සාකච්ඡා පැවැත්වීය.
HC/IMU
