වැලිමඩ, නැදුන්ගමුව ශ්‍රී ජයසුන්දරාරාම විහාරස්ථානයේ ඉදිකළ තෙමහල් ධර්ම ශාලාව විවෘත කිරීමේ පුණ්‍යෝත්සවය ජනාධිපති මහින්ද රාජපක්ෂ මැතිතුමාගේ ප්‍රධානත්වයෙන් අද (14) පෙරවරුවේ පැවැත්විණි.
සමරු ඵලකය නිරාවරණය කර ධර්ම ශාලාව විවෘත කළ ජනාධිපතිතුමා විහාරධිපති ශාස්ත්‍රපති පූජ්‍ය ඇත්තලගෙදර නන්ද හිමිපාණන් වහන්සේ බැහැදැක සුවදුක් විමසා පිරිකර පූජා කළේය.
ප්‍රදේශයේ අති විශාල ජනතාවක් ද මේ අවස්ථාවට රැස් ව සිටි අතර ජනාධිපතිතුමා ඔවුන්ගේ ද සුවදුක් විමසීය.
අමාත්‍යවරුන් වන ජයරත්න හේරත්, කුමාර වෙල්ගම, මහාචාර්ය ජී.එල්. පීරිස්, නවීන් දිසානායක, නියෝජ්‍ය අමාත්‍ය ලසන්ත අලගියවන්න යන මහත්වරු ඇතුළු පිරිසක් මීට එක් ව සිටියහ.
NDH/pmu_pix by Nishanka de Silva
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
