නියඟයෙන් පීඩාවට පත් මොනරාගල දිස්ත්‍රික්කයේ ජනතාවට ජලය සැපයීමේ කටයුතු ඊයේ (01) දවස පුරා ක්‍රියාත්මක කෙරුණු අතර ජනාධිපති මහින්ද රාජපක්ෂ මැතිතුමා එම කටයුතු පෞද්ගලිකව ම සොයා බැලීය.
නියඟයෙන් තවදුරටත් පීඩාවට පත් ජනතාවට අවශ්‍ය මූල්‍යමය හා ද්‍රව්‍යමය සහන තවදුරටත් සලසන ලෙස ද ජනාධිපතිතුමා අදාළ අංශ වෙත උපදෙස් දී තිබේ.
එම ජනතාවට අවශ්‍ය වියළි සලාක මෙන් ම මූල්‍යමය සහයෝගයන් සොයා බලා නිසි පරිදි ලබාදෙන ලෙස ආර්ථික සංවර්ධන අමාත්‍යවරයාට මෙන් ම මුදල් අමාත්‍යංශයේ ලේකම්වරයා වෙත ජනාධිපතිතුමා පසුගිය දා උපදෙස් දුන්නේය.
නියඟය පවතින යාල සහ අනෙක් සත්ත්ව උද්‍යානවල ජීවත්වන වන සතුන් ආරක්ෂා කරගැනීම සඳහා විශේෂ වැඩපිළිවෙළක් ක්‍රියාත්මක කරන ලෙස ද වනජීවි අමාත්‍යංශයට උපදෙස් දී ඇත.
DB
