එහිදී ජාතික භාෂා හා සමාජ ඒකාබද්ධතා අමාත්‍යාංශය මගින් සකස් කෙරුණ ජාතික සමගිය උදෙසා ජනතා ප්‍රඥප්තිය අමාත්‍ය වාසුදේව නානායක්කාර මහතා විසින් ජනාධිපතිතුමන් වෙත පිළිගන්වනු ලැබිණි. මීට සමඟාමීව එහිදී ජාතික සමගිය පිළිබඳව පාසල් දරුවන් අතර පැවති චිත්‍ර තරගයේ ජයග්‍රාහක සිසුසිසුවියන්ට ජනාධිපතිතුමන් අතින් තිළිණ පිළිගැන්වීමක් ද සිදු කෙරිණ.
මෙම අවස්ථාවට ජ්‍යේෂ්ඨ අමාත්‍යවරු වන ඩිව් ගුණසේකර, තිස්ස විතාරණ, අමාත්‍යවරු වන දිනේෂ් ගුණවර්ධන, ඩග්ලස් දේවානන්දා, රවුෆ් හකීම්, නියෝජ්‍ය අමාත්‍ය මුත්තු සිවලිංගම් යන මහත්වරුද ජාතික භාෂා හා සමාජ ඒකාබද්ධතා අමාත්‍යාංශයේ ලේකම් මල්කාන්ති වික්‍රමසිංහ මහත්මිය ඇතුළු පිරිසක් ද එක්ව සිටියහ.
ECB
