ඊයේ (05) සිය 95 වැනි ජන්ම දිනය සැමරූ ජ්‍යේෂ්ඨ සිනමාවේදී ආචාර්ය ලෙස්ටර් ජේම්ස් පීරිස් මහතාට ජනාධිපති මහින්ද රාජපක්ෂ මැතිතුමා ජන්ම දින සුබපැතුම් පිරිනැමීය.
ඊයේ (05) රාත්‍රියේ ඒ මහතාගේ නිවසට ගිය ජනාධිපතිතුමා ඒ මහතාගේ සුවදුක් විමසා සුහද පිළිසඳරක නිරතවෙමින් දීර්ඝායුෂ පැතුවේය.
දේශීය සිනමාව අන්තර්ජාතික කීර්තියට පත් කිරීමට නිර්මාණ දායකත්වය සැපයූ ජ්‍යේෂ්ඨතම ලාංකේය සිනමාකරුවා වන ආචාර්ය ලෙස්ටර් ජේම්ස් පීරිස් මහතා ඉටුකරන මෙහෙවර සඳහා උපහාර තිළිණයක් ද ජනාධිපතිතුමා අතින් පිළිගැන්විණි.
කලාකරුවන් ඇතුළු පිරිසක් මේ අවස්ථාවට එක් ව සිටියහ.
HC/pmu_Pix By : Nishanka de Silva
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
