මාර්තු 19, 2024
tami eng youtube  twitter facebook

    sinhala

    කෙන්යා ජනපතිගෙන් ජනාධිපති මෛත්‍රීපාල සිරිසේන මැතිතුමාට උණුසුම් පිළිගැනීමක්

    මාර්තු 16, 2019

    නයිරෝබි නුවර පැවැත්වෙන එක්සත් ජාතීන්ගේ පරිසර සමුළුවට සහභාගීවීම සඳහා ගිය ජනාධිපති ගරු මෛත්‍රිපාල සිරිසේන මැතිතුමා සහ කෙන්යා ජනාධිපති උහුරු කෙන්යාටා මැතිතුමා අතර හමුවක්   සිදු විය.

    මෙහිදී ජනාධිපති ගරු මෛත්‍රීපාල සිරිසේන මැතිතුමාව කෙන්යා ජනාධිපති උහුරු කෙන්යාටා මැතිතුමා විසින් ඉතා උණුසුම් ලෙස පිළිගත් අතර අනතුරුව රාජ්‍ය නායක දෙපළ සුහද කථා බහකට එක් විය.

    එක්සත් ජාතින්ගේ පරිසර සමුළුවේ හතරවන සැසිවාරය ඉතා සාර්ථක අන්දමින් සංවිධානය කර තිබීම පිළිබඳ සිය සතුට පළ කළ ජනාධිපතිතුමා සමුළුවේ දී ගත් තීන්දු තීරණ ඉදිරියට ක්‍රියාවට නැංවීම සඳහා සාමාජික රටක් ලෙස ශ්‍රී ලංකාව උපරිමයෙන් කැපවී කටයුතු කරන බව සඳහන් කළේය.

    සමුළුව අමතා ජනාධිපති ගරු මෛත්‍රීපාල සිරිසේන මැතිතුමා සිදුකළ දේශනය ඇගැයීමට ලක් කළ කෙන්යා ජනාධිපති උහුරු කෙන්යාටා මැතිතුමා පරිසර හිතකාමී නායකයෙකු ලෙස ජනාධිපති ගරු මෛත්‍රීපාල සිරිසේන මැතිතුමාගේ වැඩපිළිවෙළ ඇගැයීමට ලක් කළේය.

    කෙන්යා විදේශ කටයුතු ඇමතිනි Monica Juma  මහත්මිය පසුගියදා ශ්‍රී ලංකාවේ සංචාරයක නිරත වූ අතර එහිදී දෙරටේ විදේශ අමාත්‍යවරු අතර පැවති සාකච්ඡාවලදී දෙරට අතර ඇතිකරගත් සහයෝගිතාවයන් ඉදිරියට ක්‍රියාවට නැංවීම පිළිබඳව ද නායකයන්ගේ අවධානය යොමු විය.

    1970 වසරේ දී නිල රාජ්‍ය තාන්ත්‍රික සබඳතා පිහිටුවාගත් ශ්‍රී ලංකාව සහ කෙන්යාව අතර පවතින්නේ මිත්‍රශිලි සබඳතාවයකි.

    දෙරට ම පොදුරාජ්‍ය මණ්ඩලයේ හා ඉන්දියානු සාගර වටද්දර රටවල සංගමයේ (IORA) සාමාජික රටවල් වෙති.

    ජනාධිපති ගරු මෛත්‍රීපාල සිරිසේන මැතිතුමාගේ මෙම සංචාරයත් සමඟ දෙරට අතර අන්‍යෝන්‍ය සහයෝගීතාවය ඉදිරියේ දී වඩාත් පුළුල් වනු ඇති බවට කෙන්යා ජනාධිපති උහුරු කෙන්යාටා මහතා විශ්වාසය පළ කළ අතර, ජාත්‍යන්තර තලයේ දී දෙරටම සහයෝගයෙන් කටයුතු කිරීමට ද නායකයෝ සහතික වූහ.

    මේ අතර රුවන්ඩා අග්‍රාමාත්‍ය Edouard Ngirente මහතා සහ ජනාධිපති ගරු මෛත්‍රීපාල සිරිසේන මැතිතුමා අතර කෙටි හමුවක් ද  නයිරෝබි නුවර දී සිදු විය.

    340x250

    නවතම පුවත්

    dgi log front

    electionR2sin

    recu

    Desathiya