ඊයේ පෙරවරුවේ විහාරස්ථානය වෙත ගිය ජනාධිපතිතුමා, ආගමික වතාවත්වල නිරතවීමෙන් අනතුරුව විහාරාධිපති සියම් මහා නිකායේ කෝට්ටේ පාර්ශ්වයේ මහානායක, ශ්‍රී ජයවර්ධනපුර විශ්වවිද්‍යාලයේ කුලපති ආචාර්ය අතිපුජ්‍ය ඉත්තෑපානේ ධම්මාලංකාර ස්වාමීන් වහන්සේ බැහැදැක උන් වහන්සේගේ ආශිර්වාදය ලබා ගත්තේය. අනතුරුව ධර්ම දේශනය ශ්‍රවණය කිරීමට ද ජනාධිපතිතුමා එක්විය.
මෙවර ධර්ම දේශකයාණන් වහන්සේ වූයේ කොට්ටේ ශ්‍රී කළ්‍යාණි සාමග්‍රී ධර්ම මහා සංඝ සභාවේ අනුනායක හා ප්‍රධාන ලේඛකාධිකාරි මහාචාර්ය පූජ්‍ය කොටපිටියේ රාහුල ස්වාමීන් වහන්සේය.
අනතුරුව ධර්ම දේශකයාණන් වහන්සේ වෙත පිරිකර සහ ධාතු කරඬුවක් ද ජනාධිපතිතුමා විසින් පූජා කරනු ලැබිණි.
මැති ඇමතිවරුන්, ජනාධිපති කාර්යාලයේ ජ්‍යෙෂ්ඨ නිලධාරීන්, දහම් පාසල් දරු දැරියන් ඇතුළු විශාල පිරිසක් මේ අවස්ථාවට එක්ව සිටියහ.
