පෙත්සම් කාරක සභාවේ නියෝග ක්‍රියාත්මක නොවන බවට එක්සත් ජාතික පක්ෂ පාර්ලිමේන්තු මන්ත්‍රී සජිත් ප්‍රේමදාස මහතා අද (23) පාර්ලිමේන්තුවේදී කළ ප්‍රකාශයට විරෝධය පළ කළ කතානායක චමල් රාජපක්ෂ මහතා ඇහිඳගෙන එන්නේ නැතුව කරුණු දැනගෙන කතා කරන ලෙස තරයේ අවවාද කළේය.
කතානායකවරයා මේ බව පැවසුවේ රීති ප්‍රශ්නයක් මතුකරමින් මහජන පෙත්සම් කාරක සභාවේ නියෝග ක්‍රියාත්මක නොවන බවට පාර්ලිමේන්තු මන්ත්‍රීවරයා කරුණු දක්වන්නට යාම නිසාය.
අදාළ කරුණු සම්බන්ධයෙන් රාජ්‍ය සේවා කොමිසමේ නිලධාරීන් හා මහජන පෙත්සම් කාරක සභාව එකට එකතු වී අවශ්‍ය පියවර ගෙන ඇති බවත් එම සාකච්ඡාවට නොපැමිණීම ගැන කනගාටුවත් පළ කළ කතානායකවරයා මහජන පෙත්සම් කාරක සභාවේ නියෝග ක්‍රියාත්මක කිරීමට අවශ්‍ය පියවර ගත් බවත් කාරණය විසඳුවාට පසු ප්‍රචාරයක් ලබාගන්න කටයුතු නොකළ යුතු බවත් පෙන්වා දුන්නේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
