දිඹුලාගල අධ්‍යාපන කලාපයේ 05 වසර ශිෂ්‍යත්ව විභාගයෙන් ඉහළ ලකුණු ලබාගත් වැලිකන්ද ප්‍රදේශයේ සිසුවෙකු වෙනුවෙන් ජනාධිපතිතුමා අතින් තිළිණයක් ද මෙහිදී පිළිගැන්විණි.
රටවල් 183 ක නියෝජනයෙන් පැවති ජාත්‍යන්තර හස්ත කර්මාන්ත තරගාවලියේ ප්‍රථම ස්ථානය දිනාගත් සෙවනපිටිය චමින්ද මහතා දිනාගත් සම්මානය ද ජනාධිපතිතුමාගේ සුරතින් ප්‍රදානය කිරීම ද මෙහිදී සිදු විය. ප්‍රදේශයේ සිදුවන සංවර්ධන කටයුතු හා එහිදී මතුව ඇති ගැටලු පිළිබඳව ද මෙහිදී සාකච්ඡාවට ලක් කෙරිණි.
නියෝජ්‍ය අමාත්‍යවරුන් වන අනුරාධ ජයරත්න, ලක්ෂ්මන් වසන්ත පෙරේරා, උතුරු මැද පළාත් සභාවේ හිටපු නියෝජ්‍ය සභාපති ජයන්ත මාරසිංහ, මහින්ද රත්නායක යන මහත්වරුන් ඇතුළු පිරිසක් මෙම අවස්ථාවට එක්ව සිටියහ.
