ජල පවිත්‍රාගාර මඟින් පිරිසිදු කෙරෙන ජලය පරිභෝජනයාට සුදුසු ජලය බවට සහතික කළ හැකි බව නගර සැලසුම් හා ජාල සම්පාදන අමාත්‍ය රාවුෆ් හකීම් මහතා අද (06) පාර්ලිමේන්තුවේ දී පැවසී ය.
අමාත්‍යවරයා මේ බව සඳහන් කළේ, පාර්ලිමේන්තු මන්ත්‍රී බුද්ධික පතිරණ මහතා මතු කළ වාචික පැනයකට පිළිතුරු දෙමිනි.
පරිභෝජනයට ගන්නා ජලයේ බැර ලෝහ පරීක්ෂණ පිළිබඳ සොයා බැලීම පරික්ෂණාගාර තුළ නිරන්තරයෙන් සිදු වෙනවා.පවිත්‍රාගාර තුළ පිරිසිදු කරන ජලය බීමට ගැනීමට සුදුසු තත්ත්වයේ තිබෙන බව සහතික කළ හැකියි. ඇතැම් ප්‍රජා ජල යෝජනා ක්‍රම වල මේ ගැටළුව දක්නට තිබෙනවා. ඒ පිළිබඳවත් ජල සම්පාදන මණ්ඩල්යේ විශේෂඥයින් විසින් පරීක්ෂා කිරීම සිදු කරනවා යැයි ද අමාත්‍යවරයා පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
