සංවර්ධන උපාය මාර්ග හා ජාත්‍යන්තර වෙළඳ අමාත්‍යංශය, ශ්‍රී ලංකා අපනයන සංවර්ධන මණ්ඩලය හා එක්ව රාජ්‍ය හා පෞද්ගලික දෙඅංශයේම 150කට අධික පිරිසකගේ සහභාගීත්වයෙන් ශ්‍රී ලංකාවේ අපනයන සංවර්ධනය කිරීමේ ඉදිරි සැලසුම් සකස් කිරිම සඳහා මෙම සමුළුව පැවැත් වේ.
අද (07) දින ද මෙම සමුළුව පැවැත්වෙන අතර ඒ අනතුරුව අපනයන ප්‍රගතිය සඳහා වන පාදක සහ අනෙකුත් ගැටලු හඳුනාගැනීමට හැකිවනු ඇත. මෙම මූලික වැඩසටහනෙන් අනතුරුව විශේෂිත ක්ෂේත්‍ර මට්ටමේ ක්‍රියාකාරී සැලසුම් සකස් කිරිම සඳහා කොළඹදී සහ ප්‍රාදේශීය මට්ටමෙන් වැඩිදුරටත් හමුවන් පැවැත්වෙනු ඇත.
මෙම ප්‍රථම ජාතික සම්මේලනය මගින් ජාතික අපනයන සැලැස්ම සකස් කිරීම සඳහා අවශ්‍ය ක්‍රියාවලිය ඉදිරිපත් කරන අතර ශ්‍රී ලංකාවේ අපනයන වර්ධනය සඳහා රාජ්‍ය හා පෞද්ගලික පාර්ශවකරුවන්ට ඔවුන්ගේ උපායමාර්ගික දැක්ම සාකච්ඡා කිරීමට වේදිකාවක්ද සැකසෙනු ඇත. මෙම කර්තව්‍ය සඳහා ශ්‍රී ලංකා අපනයන සංවර්ධන මණ්ඩලය විසින් අන්තර්ජාතික වෙළඳ මධ්‍යස්ථානයේ තාක්ෂණික සහයෝගීතාවයෙන් සිදුකරන අතර යුරෝපා සංගමය විසින් මූල්‍යාධාර සපයනු ලබයි.
