විවාදයේ දී අඳහස් දැක්වූ අමාත්‍යවරයා..
පාර්ලිමේන්තුව ව්‍යවස්ථාදායකය හැටියට මේ රටේ ව්‍යවස්ථා සංශෝධන සඳහා හෝ අලුත් ව්‍යවස්ථාවක් කරා හෝ මේ රටේ සියලු දෙනාට සාධාරණ සමාජයන් තුළ ජීවත් වන අවස්ථාවන් ලබාදෙන්නට අවශ්‍ය කරන ඉතාම ඉක්මනින් ජනතාව තෝරාගත් විදියට ව්‍යවස්ථා සංශෝධන ක්‍රියාවලිය සම්මත කර ගන්න පුළුවන් පාර්ලිමේන්තුවක් නිර්මාණය වී තිබෙනවා.
තුනෙන් දෙකකට වැඩි බලයක් සහිතව පාර්ලිමේන්තු මැතිවරණ ක්‍රමය වෙනස් කිරීම සඳහා, මේ රටේ දෙමළ භාෂාව කතා කරන ජනතාවට අවශ්‍ය කරන 13 සංශෝධනයට අවශ්‍ය වන්නා වූ බලය බෙදීම කියන කාරණය සඳහා තුනෙන් දෙකේ බලය පාර්ලිමේන්තුවේ තිබෙනවා. මේ වෙලාවේ අපි සම්මත කර ගත්තේ නැත්නම් අපි කරන්නේ අනාගතයට කරන ලොකු අපරධනයක්. අපි සාකච්ඡා කරමු.
මේ රටේ සිංහල, දෙමළ, මුස්ලිම් ජනතාවට සමානව සළකන්න පුළුවන් ව්‍යවස්ථාවක් සකසන කාර්යභාරයට නැවත වරක් ජාතිවාදය උළුප්පාගෙන විවිධ ආකාරයෙන් බාධා කිරීම් සිදු කෙරෙන බව ද අමාත්‍යවරයා පැවසී ය.
