සියලුම රාජ්‍ය මාධ්‍ය ආයතන දේශපාලණීකරණයෙන් ඉවත්කොට ඇතැයි ආණ්ඩු පක්ෂයේ ප්‍රධාන සංවිධායක, පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක මහතා අද (21) පාර්ලිමේන්තුවේ දී ප්‍රකාශ කළේ ය.
වත්මන් රජය බලයට පත් වූ පසු ටෙලිනාට්‍ය සම්බන්ධයෙන් ඉතාම විනිවිද ක්‍රමයකට සියල්ල සිදු කරන බවත් විද්වත් කමිටුවක් මඟින් සියල්ල තීරණය කරන බවත්, ඒ සඳහා කිසිම අල්ලසක් ගෙන නැති බවට බිය නැතිව කිව හැකි යැයි ද අමාත්‍යවරයා පැවසී ය.
දකුණු ආසියාවේ දීර්ගතම සිංහල ටෙලිනාට්‍ය වන කෝපි කඩේ, වසර 30ක් සැපිරිම වෙනුවෙන් සියලුම ශිල්පීන් ඇගයීමට ලක් කිරීමට බලාපොරොත්තු වන බවද පවසා සිටියේ, මන්ත්‍රී බුද්ධික පතිරණ මහතා ඒ පිළිබඳව විමසූ වාචික පැනයට පිළිතුරු ලබාදෙමිනි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
