2015 හා 2016 අධ්‍යයන පොදු සහතික පත‍්‍ර උසස් පෙළ විභාගයන්හි විශිෂ්ට ප‍්‍රතිඵල ලැබ සරසවි වරම් දිනූ සක්යා උසස් අධ්‍යාපන ආයතනයේ සිසු සිසුවියන් ඇගයීම වෙනුවෙන් පැවැත්වුණු “සක්යා සරසවි අභිෂේක මංගල්‍යය” ඊයේ (02) කොළඹ බණ්ඩාරනායක ජාත්‍යන්තර සම්මන්ත‍්‍රණ ශාලාවේදී පැවැත්විණි.
එහි ප‍්‍රධාන ආරාධිත අමුත්තා ලෙස ජනාධිපති මෛතී‍්‍රපාල සිරිසේන මැතිතුමා එක් විය.
උසස් පෙළ කඩඉම විශිෂ්ට ලෙස සමත්වූ සක්යා දූ පුතුන්ට මෙහිදී සිය සුබපැතුම් පිරිනැමූ ජනාධිපතිතුමා විශිෂ්ටතා දැක්වූ සිසුන්ට සම්මාන සහ තිළිණ ප‍්‍රදානය කිරීමට ද එක් විය.
අමාත්‍ය රංජිත් සියඹලාපිටිය, සක්යා සමූහයේ සභාපති බණ්ඩාර දිසානායක යන මහත්වරුන් ඇතුළු පිරිසක් මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
