නෙස්ලේ ලංකා සමාගම විසින් වාණිජ මට්ටමේ හොඳම කිරි ගොවීන් ඇගයීම යටතේ තෝරා ගන්නා ලද පළමු, දෙවන සහ තෙවන ස්ථාන දිනාගත් කිරි ගොවීන් වෙත ත්‍යාග සහ සහතික පත් ප‍්‍රදානය ද මෙහිදී ජනාධිපතිතුමා අතින් සිදුවිය.
පොල් වගාකිරීමේ මණ්ඩලය සහ නෙස්ලේ ලංකා සමාගම එක්ව පොල් වගාව නගා සිටුවීම සඳහා පොල් පැළ ලබාදීමේ වැඩසටහනක් ද මෙහි සංවිධානය කර තිබු අතර සංකේතවත් ලෙස ජනාධිපතිතුමා අතින් පොල් ගොවීන් කිහිපදෙනෙකුට පොල් පැළ ලබා දීම ද සිදුවිය.
අමාත්‍යවරුන් වන රවී කරුණානායක, ගාමිණී ජයවික‍්‍රම පෙරේරා, නියෝජ්‍ය අමාත්‍ය අපිත් පී. පෙරේරා, යන මහත්වරුන් ද නෙස්ලේ ලංකා සමාගමේ කළමණාකර අධ්‍යක්ෂිකා Shivani Hegde මහත්මිය, සාමූහික කටයුතු උප සභාපති බන්දුල එගොඩගේ මහතා ඇතුළු පිරිසක් මේ අවස්ථාවට එක්වූහ.
