රජය සතු ශ්‍රී ලංකා ඛනිජ වැලි සමාගම, පෞද්ගලික අංශයට විකුණා දැමීමට රජය තීරණය කර නැතැයි කර්මාන්ත හා වනිජ කටයුතු අමාත්‍ය රිෂාඩ් බදියුදීන් මහතා පවසයි.
අද (24) පාර්ලිමේන්තුවේ දී විපක්ෂයේ ප්‍රධාන සංවිධානයක,පාර්ලිමේන්තු මන්ත්‍රී අනුර කුමාර දිසානායක මහතා විසින් ස්ථාවර නියෝග 23(2) යටතේ ඛනිජ වැලි සංස්ථාව විකුණා දැමීමට කටයුතු කරන්නේ දැයි විමසූ පැනයට පිළිතුරු දෙමින් අමාත්‍යවරයා මේ බව ප්‍රකාශ කළේ ය.
පැනයට තවදුරටත් පිළිතුරු දුන් අමාත්‍යවරයා සඳහන් කළේ, විකුණා දැමීමේ තීරණයක් ගෙන නොමැති බවත් රජයේ අයිතිය අතහැර දැමීමේ තීරණයක් ද ගෙන නොමැති බවද ප්‍රකාශ කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
