ලබන වසරේ දී සිදුකිරීමට අපේක්ෂිත සංවර්ධන කටයුතු සම්බන්ධයෙන් සියලු පළාත්සභා ප‍්‍රධාන අමාත්‍යවරුන් සහ ජනාධිපති මෛත‍්‍රීපාල සිරිසේන මැතිතුමා අතර සාකච්ඡාවක් ඊයේ (22) පස්වරුවේ පැවැත්විණි.
පාර්ලිමේන්තු ජනාධිපති නිල කාර්යාලයේදී පැවති මෙම සාකච්ඡාව සඳහා මුදල් අමාත්‍ය රවී කරුණානායක මහතා ද එක් වූ අතර, එහිදී පළාත් මට්ටමෙන් සිදුකිරීමට නියමිත නව ව්‍යාපෘති සම්බන්ධයෙන් හා ඉදිරි සැලසුම් සම්බන්ධයෙන් දීර්ඝ වශයෙන් සාකච්ඡා පැවැත්විණි.
එමෙන්ම පළාත් අමාත්‍යවරු තම පළාත්වල සිදුකිරීමට අපේක්ෂා කරන ඉදිරි සංවර්ධන කටයුතු සම්බන්ධයෙන් ද ජනාධිපතිතුමා ඉදිරියේ කරුණු දැක්වූහ.
මෙම අවස්ථාවට මුදල් අමාත්‍යාංශ ලේකම් ආර්.එච්.එස් සමරතුංග මහතා ඇතුළු නිලධාරීන් පිරිසක් එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
