පෞද්ගලික හා රාජ්‍ය අංශය එකතු වී හම්බන්තොට වරාය ඉදිරියට ගෙන යෑමට අද වනවිට සාකච්ඡා කරමින් සිටින බවත් කොළඹ වරායේ ආදායමෙන් හම්බන්තොට වරායේ ණය ගෙවන්නට සිදු වී තිබෙන බව වරාය හා නාවික කටයුතු අමාත්‍ය අර්ජුන රණතුංග මහතා පවසයි.
පාර්ලිමේන්තු මන්ත්‍රී බුද්ධික පතිරණ මහතා විසින් අද(18) පාර්ලිමේන්තුවේ දී යොමු කළ වාචික ප්‍රශ්නයකට පිළිතුරු දෙමින් අමාත්‍යවරයා මේ බව ප්‍රකාශ කළේ ය.
අධික ණය හේතුවෙන් වරායේ ලාබ ලබගන්න වසර පනහක්වත් ගත වන බවත් මේ පවට කරගහන්න සිදු වී තිබෙන බවත් රට මත වැටී තිබෙන ණය බව අඩු කරගැනීමට කටයුතු කරන බව ද අමත්‍යවරයා පැවසී ය.
ඒ අනුව රජය හා පෞද්ගලික අංශය එකතුවෙලා හම්බන්තොට වරායේ කටයුතු ඉදිරිය්ට ගෙන යාමට කටයුතු කරන බවත් මේ ණය බව නිදහස් කර ගැනීමට අත්‍යවශ්‍ය බවත් අමාත්‍යවරය ප්‍රකාශ කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
