ජනාධිපති කාර්යාලය ඉදිරිපිට දී ආබාධිත රණවිරුවන් සම්බන්ධයෙන් ඇති වූ සිදුවීම පිළිබඳව ආණ්ඩුව විසින් සොයා බලන බව අග්‍රාමාත්‍ය රනිල් වික්‍රමසිංහ මහතා අද (11) පාර්ලිමේන්තුවේ දී ප්‍රකාශ කළේ ය.
පාර්ලිමේන්තු මන්ත්‍රී දිනේෂ් ගුණවර්ධන මහතා විසින් ස්ථාවර නියෝග 23 (2) යටතේ ආබාධිත රණවිරුවන් සම්බන්ධයෙන් මතු කළ ප්‍රශ්නයකට පිළිතුරු ලබාදෙමින් අග්‍රාමාත්‍යවරයා මෙසේ ප්‍රකාශ කළේ ය.
මේ පිළිබඳව සාකච්ඡවක් තිබුණේ ආරක්ෂක අමාත්‍යාංශයේ. ඒ ඉල්ලීම් සියල්ලම දුන්නාට පස්සේ කොහොමද මෙය සිදු වුණේ කියලා සොයා බලන්නට තිබෙනවා.ආබාධිතයන්ට පහර දීම වරදක් වගේම,ආබාධිතයන් උසි ගන්වා ඒ මුවාවෙන් ඇවිත් ප්‍රශ්න ඇති කිරීමත් වරදක් බවද අග්‍රාමාත්‍යවරයා ප්‍රකාශ කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
