වසර 80 ක් පැරණි මඩකලපුව නාසිවන්තීවූ දෙමළ මිශ්‍ර පාසලෙන් පාසල් ඉතිහාසයේ ප්‍රථම වරට ශිෂ්‍යත්ව විභාගය සමත් වූ දිලීප් කුමාර් සනුජන් සිසුවා ද පසුගියදා ජනාධිපති කාර්යාලයේ දී ජනාධිපති මෛත්‍රීපාල සිරිසේන මහතා හමුවිය.
ජනාධිපතිතුමා හමු වීමට ඔහු තුළ තිබූ අපේක්ෂාව ඉටු කරමින් මෙම හමුව සිදු වූ අතර දිලීප් කුමාර් සිසුවාට සිය සුබපැතුම් පළ කළ ජනාධිපතිතුමා ඔහුට තිළිණයක් ද පිළිගැන්වීය.
විදුහල්පති ටී. ජයප්‍රනීපන්, දිලීප් කුමාර් සිසුවාගේ පංති භාර ගුරුවරයා වූ ඒ. මොහාන් රාජ් යන මහත්වරුන් ද සිසුවාගේ දෙමව්පියන් ද මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
