ජනාධිපති මෛතී‍්‍රපාල සිරිසේන මැතිතුමා මේ බව ප‍්‍රකාශ කළේ අද (28) පෙරවරුවේ කොළඹ 07, හෙක්ටර් කොබ්බෑකඩුව ගොවි උපදේශක ශ‍්‍රවණාගාරයේ පැවති මහවැලි ඉංජිනේරු සංගමයේ 30 වෙනි වාර්ෂික සම්මේලනය අමතමිනි.
මෙරට කෘෂිකර්මාන්තය ශක්තිමත් කිරීම වෙනුවෙන් දෙස් විදෙස් මූල්‍ය ප‍්‍රතිපාදන යටතේ රජය මේ වන විට නව වාරි ව්‍යාපෘති රැසක් කි‍්‍රයාත්මක කර තිබෙන අතර පසුබෑමට ලක්ව තිබූ ව්‍යාපෘති රැසක වැඩ ආරම්භ කිරීමට ද කටයුතු කර තිබෙන බව ජනාධිපතිතුමා මෙහිදී කියා සිටියේය.
මෙම කටයුතු සාර්ථක කර ගැනීම සඳහා මහවැලි ඉංජිනේරු සංගමයේ දායකත්වය ද අපේක්ෂා කරන බව පැවසූ ජනාධිපතිතුමා ඔවුන්ගේ දීර්ඝ කාලීන ගැටලුවක් වූ වැටුප් පිළිබඳ ගැටලුව නිරාකරණය කිරීමට කටයුතු කරන බව ද කියා සිටියේය.
මහවැලි ඉංජිනේරු සංගමය විසින් ජනාධිපතිතුමා වෙනුවෙන් විශේෂ සමරු තිළිණයක් ද පිළිගැන්වීය.
මහවැලි සංවර්ධන හා පරිසර අමාත්‍යාංශයේ ලේකම් උදය ආර්. සෙනෙවිරත්න, මහවැලි අධිකාරියේ අධ්‍යක්ෂ ජනරාල් අනුර දිසානායක යන මහත්වරුන් ද මහවැලි ඉංජිනේරු සංගමයේ සභාපති ඉංජිනේරු ඩබ්.ඒ. චන්ද්‍රතිලක මහතා ඇතුළු සංගමයේ සාමාජිකයින් මෙම අවස්ථාවට එක්ව සිටියහ.
