තායිලන්ත අග්‍රාමාත්‍ය ජෙනරල් ප්‍රයුත් චන් - ඔ - චා මහතාගේ ආරාධනාවකට අනුව ජනාධිපතිවරයා මෙම නිල සාංචාරයකට එක්වන බව විදේශ කටයුතු අමාත්‍යාංශය සඳහන් කරයි.
ජනාධිපතිතුමා නොවැම්බර් මස 4 වනදා දක්වා එහි රැඳී සිටින අතර දෙරටේ රාජතාන්ත්‍රික සබඳතා ආරම්භ වී වසර 60 ක් සම්පූර්ණවීම නිමිත්තෙන් පැවැත්වෙන සමරු උත්සවයට ද ජනාධිපතිවරයා මෙහිදී එක් වීමට නියමිතය.
එසේම දෙරටේ සමීප සම්බන්ධතා සහ සහයෝගීතා වර්ධනය කර ගැනීමේ අන්‍යෝන්‍ය වැදගත් කරුණු සම්බන්ධයෙන් තායිලන්ත ජනාධිපතිතුමා හා තායිලන්ත අගමැතිවරයා සමඟ ද්විපාර්ශවීය සාකච්ඡා පැවැත්වීමට ද නියමිතය.
ජනාධිපති මෛත්‍රීපා සිරිසේන මහතා වාණිජ, කර්මාන්ත හා බැංකු පිළිබඳ තායි ඒකාබද්ධ ස්ථාවර කමිටුව විසින් සංවිධානය කරන ලද ව්‍යාපාරික සංසදය ඇමතීමට නියමිත අතර මෙම අවස්ථාවට තායිලන්තයේ නියෝජ්‍ය අග්‍රාමාත්‍ය සහ ආර්ථික කටයුතු ඇමැති Somkid Jatusripitak වනු ඇත.
