අගමැති රනිල් වික්‍රමසිංහ මහතා අද (15) දෙදින නිල සංචාරයක් සඳහා සිංගප්පූරුව බලා පිටත්ව යාමට නියමිතය. අගමැතිවරයා සමඟ ජාත්‍යන්තර වෙළෙඳ කටයුතු ඇමැති මලික් සමරවික්‍රම මහතා එම සංචාරයට සහභාගි වෙයි.
මෙම සංචාරයේදී අගමැති රනිල් වික්‍රමසිංහ මහතා සිංගප්පූරු අගමැතිවරයා සහ එරට ප්‍රධානපෙළේ ඇමැතිවරුන් කීප දෙනෙකු සමඟ සාකච්ඡා කිරීමට නියමිතය.
ශ්‍රී ලංකාවේ ක්‍රියාත්මක කිරීමට යෝජිත දැවැන්ත සංවර්ධන වැඩපිළිවෙළට සිංගප්පූරුවේ ආධාර සහ සහය ලබා ගැනීම මෙම සංචාරයේ අරමුණයි.
තවද මෙරට සිදුකරන ආර්ථික විප්ලවයට සිංගප්පූරුවේ ආයෝජකයින් සහභාගි කරවා ගැනීමට කටයුතු සැලසීමත් මෙම සංචාරයේ දී අපේක්ෂා කෙරේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
