ජාත්‍යන්තර කම්කරු දිනය සමරමින් අද ( 01) සවස කොළඹ, හයිඩ් පිටියේ පැවති ශ්‍රී ලංකා නිදහස් පක්ෂය ප්‍රධාන එක්සත් ජනතා නිදහස් සන්ධාන
මැයි රැළිය අමතමින් ජනාධිපතිතුමා මේ බව පැවසී ය.
මේ රටේ සමාජ පරිසරය තේරුම් ගැනීම අවශ්‍යයයි. 19 වන ආණ්ඩුක්‍රම ව්‍යවස්ථා සංශෝධනයේ මා සතුටුම ජේදය ජනාධිපතිවරයා,
පාර්ලිමේන්තුවට වගකිව යුතුයි කියන ජේදයටයි. රට ගොඩනැගීමට රටේ සෑම කෙනෙක් ම එක්සත් භාවයෙන් මිත්‍රශීලීත්වයෙන් සහෝදරත්වයෙන්
එකට යන අවශ්‍යතාව අපි සෑම කෙනෙක් ම පිළිගන්නවා. ඒ නිසා අපි බොහෝ දුර යා යුතු වෙනවා. අද අපි මධ්‍යම පන්තික ආදායම් ලබන රටක්
විදියට, ලෝකයේ ඉහළ මට්ටමේ ආදායම් ලබන රටක් විදියට අපේ මාතෘභූමිය පත් කිරීම ඉතාම අත්‍යාවශ්‍යයයි. ජනතාවගේ අයිතිවාසිකම්, වරප්‍රසාද
ලබාදෙමින් නිදහස හා ප්‍රජාතන්ත්‍රවාදය ශක්තිමත් කරමින් සෑම කෙනෙකුගේම අධිෂ්ඨානශීලීභාවය සමඟ ඉදිරි ගමන් මඟ සකස් කළ යුතුයි. මාව
හසුරුවන්නට කිසිම පුද්ගලයකුට බෑ. මාව හසුරුවන්නට පුළුවන් ජනතාවට පමණයි.
මීට පෙර ජනාධිපතිවරයා පාර්ලිමේන්තුවට වගකිව යුත්තෙක් නොවේ. තනි තීන්දු අරගෙන වැඩකිරීමේ හැකියාව තිබුණා. මම ඉදිරියට කටයුතු
කිරීමේ දී 19 වන සංශෝධනයෙන් ඉවත් කරන ලද බලතල වගේම ඉතිරි වී ඇති බලතලවල දී ඉතාම ප්‍රජාතන්ත්‍රවාදී ලෙස, පොදු සාමූහික සාකච්ඡා
තුළ, පාර්ලිමේන්තුවේ බහුතරයක අදහස් තුළ, පොදු ජනතාවගේ අදහස් යෝජනා තුළ, වැඩකරන පන්තියේ අදහස් යෝජනා තුළ, පමණයි මා සතු
බලතල භාවිත කරන්නේ කියා පැහැදිලිව කියන්න කැමතියි.
