භූතාන රාජකීය ආණ්ඩුවේ සෞඛ්‍ය අමාත්‍ය Tandin Wangchuk මහතා අද (18) සෞඛ්‍ය අමාත්‍ය මෛත‍්‍රීපාල සිරිසේන මහතා මුණගැසුණු අවස්ථාවේදී මේ බව පැවසීය.
මෙම හමුවේදී දෙරට අතර අන්‍යනෝන්‍ය සම්බන්ධතාව හා මිත‍්‍රත්වය වැඩිදියුණු කර ගැනීම පිළිබඳව දීර්ඝ ලෙස සාකච්ඡා කෙරිණි. දැනට භූතානයේ ක‍්‍රියාත්මක සෞඛ්‍ය අංශ වැඩිදියුණු කිරීම සඳහා ශ‍්‍රී ලංකාවේ සෞඛ්‍ය සේවාවෙන් ලබාගත හැකි දේ පිළිබඳව ද එතුමා මෙහිදී සාකච්ඡා කළේය.
භූතාන සෞඛ්‍ය අමාත්‍යවරයා, සෞඛ්‍ය අමාත්‍ය මෛත‍්‍රීපාල සිරිසේන මහතාට වැඩිදුරටත් පවසා සිටියේ පසුගියදා තමන් පේරාදෙණිය විශ්වවිද්‍යාලයේ සංචාරයක නිරත වූ බවත් එහිදී ශ‍්‍රී ලංකාවේ නේවාසිකව ඉගෙනුම ලබන භුතාන රාජ්‍යයේ ශිෂ්‍ය ශිෂ්‍යාවන් 150 දෙනෙකු පමණ තමන්ට මුණගැසීමට ලැබුණු බවත්ය. ශ‍්‍රී ලංකා රජය විසින් එම සිසු සිසුවියන්ට ලබාදී ඇති පහසුකම් හා දැනුම ලබාදීම පිළිබඳව ද එතුමා ශ‍්‍රී ලංකා රජයට විශේෂයෙන් ස්තූතිවන්ත විය.
NDH
