මෙම සම්මාන උළෙල සඳහා අනුග්‍රහය දැක්වූයේ සේවායෝජක වෙළඳ නාම ආයතනය, ලෝක මානව සම්පත් සංවර්ධන සම්මේලනය සහ Stars of the Industry Group යන ආයතන විසින් වන අතර ආසියාවේ ව්‍යාපාර සන්ධානයේ (Asian Confederation of businesses) අනුමැතිය ද ඒ සඳහා හිමිව ති‍බේ.
ගුවන් සමාගම මෙම සම්මානයෙන් පිදුම් ලැබුවේ මානව සම්පත් සංවර්ධන දැක්ම, නව්‍යතා සහ අගය එකතු කිරීම යන එහි ක්‍රියාශීලී මානව සම්පත් උපාය මාර්ග තුළින් ගුවන් සමාගමේ ව්‍යාපාර අරමුණු සාක්ෂාත් කර ගැනීම සඳහා විවිධ පුද්ගලයන්ගේ කාර්ය සාධනය වැඩිදියුණු කිරීම යන සාධක පදනම් කර ගැනීමෙනි.
ගුවන් සමාගමේ ප්‍රධාන විධායක නිලධාරි කපිල චන්ද්‍රෙස්න මහතා ප්‍රකාශ කර සිටියේ ශ්‍රීලංකන් ගුවන් සමාගම මෙවැනි ගෞරවයකට පාත්‍ර වීම පිළිබඳව ආඩම්බර වන බවත්, ගුවන් සමාගමේ කාර්යමණ්ඩලයට ඔවුන්ගේ සැබෑ හැකියාවන් ඉදිරිපත් කිරීමට සුදුසු ක්‍රියාශීලී පරිසරයක් ගොඩනැගීමට ඇති කැපවීම මෙයින් පෙන්නුම් කරන බවත් ය.
ගෝලීය වශයෙන් ප්‍රමුඛ සේවාවක් ලබා දෙන ශ්‍රීලංකන් ගුවන් සමාගම එහි උසස් සේවා ලබාදෙන්නන් ඇගයීමේ වැඩපිළිවෙළක් ක්‍රියාත්මක කරන අතර අනාගත කළමනාකරණ සහ නායකත්ව අවශ්‍යතා සඳහා පහසුකම් සැලැසීමටත් කටයුතු කර ඇත. තවදුරටත් ගුවන් සමාගම දැනුම කළමනාකරණ පද්ධතියක් පවත්වා ගනිමින් ව්‍යාපාර වර්ධනය සඳහා අවශ්‍ය දැනුම හුවමාරු කිරීමට කටයුතු කරයි. නිෂ්පාදන වැඩිදුයුණු කිරීමට සහ සේවක දැනුම සඳහා නොයෙකුත් උපාය මාර්ග දියත් කිරීමට ද ගුවන් සමාගම කටයුතු කර ඇත.
තවදුරටත් අදහස් දක්වමින් හෙතෙම ප්‍රකාශ කර සිටියේ ලබන වසර තුන තුළදී මානව සම්පත් සංවර්ධන සඳහා විශිෂ්ට අංග ඇතුළත් කරමින් සමාගමේ සේවකයන් සඳහා නායකත්වය සහ හැකියා සංවර්ධනයට අතහිත දෙමින් ආසියාවේ ප්‍රියතම ගුවන් සේවය බවට පත්වීමේ අරමුණ ශ්‍රීලංකන් ඉදිරි ගමනේදී ලබාගැනීමට කටයුතු කරන බවයි.මෙම සම්මානය පිළිගැන්වීම සඳහා විනිශ්චය ලබා දීමට ලෝක මානව සම්පත් සංවර්ධන සම්මේලනයේ සභාපති මයිකල් මැක්ඩොනල්ඩ් මහතා ද ආසියා ශාන්තිකර කලාපයේ මානව සම්පත් සංවර්ධන සම්මේලනයේ ගෝලීය සභාපති මහාචාර්ය ටොම් හිල්ටන් මහතා ද නිදහස් සහ කළමනාකරණ අධ්‍යාපන පදනමේ සභාපති සහ ඉන්දියාවේ ප්‍රධාන මානව සම්පත් නායිකාවක වන මහාචාර්ය ඉන්දිරා පාරික් මහත්මිය ද සහභාගී වී ඇත.
ECB
